Numbers 26 — W88
26Verse 1Aftir that the blood of gilti men was sched out, the Lord seide to Moises and to Eleasar,Verse 2preest, sone of Aaron, Noumbre ye al the summe of the sones of Israel, fro twenti yeer and aboue, bi her housis, and kynredis, alle men that mowen go forth to batels.Verse 3And so Moises and Eleasar, preest, spaken in the feeldi places of Moab, ouer Jordan, ayens Jerico, to hem that weren of twenti yeer and aboue,Verse 4as the Lord comaundide; of whiche this is the noumbre.Verse 5Ruben, the firste gendrid of Israel; the sone of hym was Enoch, of whom was the meynee of Enochitis; and Phallu, of whom the meynee of Phalluytis; and Esrom,Verse 6of whom the meynee of Esromytis; and Charmy, of whom the meynee of Charmytis.Verse 7Thes weren the meynees of the generacioun of Ruben, of whiche meynees the noumbre was foundun thre and fourti thousand seuene hundrid and thretti.Verse 8The sone of Phallu was Heliab;Verse 9the sones of hym weren Namuel, and Dathan and Abiron. `These weren Dathan and Abiron, prynces of the puple, that riseden ayens Moises and Aaron, in the rebelte of Chore, whanne thei rebelliden ayens the Lord;Verse 10and the erthe openyde his mouth, and deuouride Chore, while ful many men dieden, whanne the fier brente two hundrid men and fifti; and a greet myracle was maad,Verse 11that whanne Chore perischide, hise sones perischiden not.Verse 12The sones of Symeon bi her kynredis; Namuel, of hym was the meynee of Namuelitis; Jamyn, of hym was the meynee of Jamynytis; Jachin, of hym was the meynee of Jachynytis;Verse 13Zare, of hym the meynee of Zarenytis; Saul, of hym the meynee of Saulitis.Verse 14These weren the meynees of Symeon, of whiche all the noumbre was two and twenti thousynde and two hundrid.Verse 15The sones of Gad bi her kynredis; Sephon, of hym the meynee of Sephonytis; Aggi, of hym the meynee of Aggitis; Sumy, of hym the meynee of Sumytis;Verse 16Ozny, of hym the meynee of Oznytis; Heri, of hym the meynee of Hereytis;Verse 17Arod, of hym the meynee of Aroditis; Ariel, of hym the meynee of Arielitis.Verse 18These weren the meynees of Gad, of whiche al the noumbre was fourti thousynde and fyue hundrid.Verse 19The sones of Juda weren Her and Onan, whiche bothe weren deed in the lond of Canaan.Verse 20And the sones of Juda weren bi her kynredis; Sela, of whom the meynee of Selaitis; Phares, of whom the meynee of Pharesitis; Zare, of whom the meynee of Zareitis.Verse 21Sotheli the sones of Phares weren Esrom, of whom the meynee of Esromytis; and Amul, of whom the meynee of Amulitis.Verse 22These weren the meynees of Juda, of whiche al the noumbre was seuenty thousynde and fyue hundrid.Verse 23The sones of Isachar bi her kynredis; Thola, of whom the meynee of Tholaitis; Phua, of whom the meynee of Phuitis;Verse 24Jasub, of whom the meynee of Jasubitis; Semran, of whom the meynee of Semranytis.Verse 25These weren the kynredis of Isachar, of whiche the noumbre was foure and sixti thousynd and three hundrid.Verse 26The sones of Zabulon bi her kinredis; Sarad, of whom the meynee of Sareditis; Helon, of whom the meynee of Helonytis; Jalel, of whom the meynee of Jalelitis.Verse 27These weren the kynredis of Zabulon, of whiche the noumbre was sixti thousynde and fyue hundrid.Verse 28The sones of Joseph bi her kynredis weren Manasses and Effraym.Verse 29Of Manasses was borun Machir, of whom the meynee of Machiritis. Machir gendride Galaad, of whom the meynee of Galaditis.Verse 30Galaad hadde sones; Hizezer, of whom the meynee of Hizezeritis; and Helech, of whom the meynee of Helechitis;Verse 31and Ariel, of whom the meynee of Arielitis; and Sechem, of whom the meynee of Sechemytis;Verse 32and Semyda, of whom the meynee of Semydaitis; and Epher, of whom the meynee of Epheritis.Verse 33Forsothe Epher was the fadir of Salphath, that hadde not sones, but oneli douytris; of whiche these weren the names; Maala, and Noha, and Egla, and Melcha, and Thersa.Verse 34These weren the meynees of Manasse, and the noumbre of hem was two and fifty thousynde and seuene hundrid.Verse 35Forsothe the sones of Effraym bi her kynredis weren these; Suthala, of whom the meynee of Suthalaitis; Bether, of whom the meynee of Betherytis; Tehen, of whom the meynee of Thehenytis.Verse 36Forsothe the sone of Suthala was Heram, of whom the meynee of Heramytis.Verse 37These weren the kynredis `of the sones of Effraym, of whiche the noumbre was two and thretti thousynde and fyue hundrid.Verse 38These weren the sones of Joseph, bi her meynees. The sones of Beniamyn in her kynredis; Bale, of whom the meynee of Baleytis; Azbel, of whom the meynee of Azbelitis; Ahiram, of whom the meynee of Ahiramitis;Verse 39Suphan, of whom the meynee of Suphanitis; Huphan, of whom the meynee of Huphanitis.Verse 40The sones of Bale, Hered and Noeman; of Hered, the meyne of Hereditis; of Noeman, the meynee of Noemanitis.Verse 41Thes weren the sones of Beniamyn bi her kynredis, of whiche the noumbre was fyue and fourti thousynde and sixe hundrid.Verse 42The sones of Dan bi her kynredis; Suphan, of whom the meynee of Suphanytis. These weren the kynredis of Dan bi her meynees;Verse 43alle weren Suphanytis, of whiche the noumbre was foure and sixti thousynde and foure hundrid.Verse 44The sones of Aser bi her kynredis; Jemma, of whom the meynee of Jemmaytis; Jesuy, of whom the meynee of Jesuytis; Brie, of whom the meynee of Brieitis.Verse 45The sones of Brie; Haber, of whom the meynee of Haberitis; and Melchiel, of whom the meynee of Melchielitis.Verse 46Sotheli the name of `the douytir of Azer was Zara.Verse 47These weren the kynredis of the sones of Aser, and the noumbre of hem was foure and fifti thousynde and foure hundrid.Verse 48The sones of Neptalym bi her kynredis; Jesehel, of whom the meynee of Jeselitis; Guny, of whom the meynee of Gunytis;Verse 49Jeser, of whom the meynee of Jeserytis; Sellem, of whom the meynee of Sellemytis.Verse 50Thes weren the kynredis of the sones of Neptalym bi her meynees, of whiche the noumbre was fyue and fourti thousynde and foure hundrid.Verse 51This is the summe of the sones of Israel, that weren noumbrid, sixe hundrid thousynde and a thousynde seuene hundrid and thretti.Verse 52And the Lord spak to Moises, and seide,Verse 53The lond schal be departid to these, bi the noumbre of names in to her possessiouns;Verse 54thou schalt yyue the grettere part to mo men, and the lesse part to fewere men; possessioun schal be youun to alle bi hem silf, as thei ben noumbrid now;Verse 55so oneli that lot departe the lond to lynagis and meynees.Verse 56What euer thing bifallith bi lot, ethir mo ether fewere men take this.Verse 57Also this is the noumbre of the sones of Leuy bi her meynees; Gerson, of whom the meynee of Gersonytis; Caath, of whom the meynee of Caathitis; Merary, of whom the meynee of Meraritis.Verse 58These weren the meynees of Leuy; the meynee of Lobny, the meynee of Ebron, the meynee of Mooli, the meynee of Musi, the meynee of Chori. And sotheli Caath gendride Amram,Verse 59which hadde a wijf, Jocabeth, douyter of Leuy, which douyter was borun to hym in Egipt. This Jocabeth gendride to hir hosebonde `Amram sones, Aaron, and Moyses, and Marie, `the sister of hem.Verse 60Nadab, and Abyu, and Eleazar, and Ithamar weren bigetun of Aaron;Verse 61of whiche Nadab and Abyu weren deed, whanne thei hadden offrid alien fier bifor the Lord.Verse 62And alle that weren noumbrid weren thre and twenti thousynde of male kynde, fro o monethe and aboue, whiche weren not noumbrid among the sones of Israel, nether possessioun was youun to hem with othir men.Verse 63This is the noumbre of the sones of Israel, that weren discryued of Moises and Eleasar, preest, in the feeldi places of Moab, ouer Jordan, ayen Jerico;Verse 64among whiche noon of hem was that weren noumbrid bifor of Moises and Aaron, in the deseert of Synay;Verse 65for the Lord bifore seide, that alle schulden die in `the wildirnesse; and noon of hem dwellide, no but Caleph, `the sone of Jephone, and Josue, the sone of Nun.