Leviticus 11 — W88
11Verse 1And the Lord spak to Moises and Aaron, and seide,Verse 2Seie ye to the sones of Israel, Kepe ye alle thingis whiche Y wroot to you, that Y be youre God. These ben the beestis, whiche ye schulen ete, of alle lyuynge beestis of erthe;Verse 3ye schulen ete `al thing among beestis that hath a clee departid, and chewith code;Verse 4sotheli what euer thing chewith code, and hath a clee, but departith not it, as a camel and othere beestis doon, ye schulen not ete it, and ye schulen arette among vnclene thingis.Verse 5A cirogrille,+which chewith code, and departith not the clee, is vnclene; and an hare,Verse 6for also he chewith code, but departith not the clee;Verse 7and a swiyn, that chewith not code, thouy he departith the clee.Verse 8Ye schulen not ete the fleischis of these, nether ye schulen touche the deed bodies, for tho ben vnclene to you.Verse 9Also these thingis ben that ben gendrid in watris, and is leueful to ete;Verse 10ye schulen ete al thing that hath fynnes and scalis, as wel in the see, as in floodis and stondynge watris; sotheli what euer thing of tho that ben moued and lyuen in watris, hath not fynnes and scalis, schal be abhominable, and wlatsum to you;Verse 11ye schulen not ete the fleischis of tho, and ye schulen eschewe the bodies deed bi hem silf.Verse 12Alle thingis in watris that han not fynnes and scalis, schulen be pollutid,Verse 13These thingis ben of foulis whiche ye schulen not ete, and schulen be eschewid of you; an egle, and a grippe, aliete,+and a kyte, and a vultur by his kynde;Verse 14and al of `rauyns kynde bi his licnesse;Verse 15a strucioun,Verse 16and nyyt crowe, a lare, and an hauke bi his kinde;Verse 17an owle, and dippere, and ibis+;Verse 18a swan and cormoraunt, and a pellican;Verse 19a fawcun, a iay bi his kynde; a leepwynke, and a reremows.Verse 20Al thing of foulis that goith on foure feet, schal be abhomynable to you;Verse 21sotheli what euer thing goith on foure feet, but hath lengere hipis bihynde, bi whiche it skippith on the erthe, ye schulen ete;Verse 22as is a bruke+in his kynde, and acatus,+and opymacus,+and a locuste, alle bi her kynde.Verse 23Forsothe what euer thing of briddis hath foure feet oneli, it schal be abhomynable to you;Verse 24and who euer touchith her bodies deed bi hem silf, schal be defoulid, and `schal be vnclene `til to euentid;Verse 25and if it is nede, that he bere ony deed thing of these, he schal waische his clothis, and he schal be vnclene til to the goyng doun of the sunne.Verse 26Sotheli ech beeste that hath a clee, but departith not it, nether chewith code, schal be vnclene; and what euer thing touchith it, schal be defoulid.Verse 27That that goith on hondis, of alle beestis that gon on foure feet, schal be vnclene; he, that touchith her bodies deed bi hem silf, schal be defoulid `til to euentid;Verse 28and he, that berith siche deed bodies, schal waische hise clothis, and he schal be vnclene `til to euentid; for alle these thingis ben vnclene to you.Verse 29Also these thingis schulen be arettid among defoulid thingis, of these that ben moued on erthe; a wesele, and mows, and a cocodrille,+`alle bi her kynde;Verse 30mygal,+camelion,+and stellio,+and lacerta,+and a maldewerp.Verse 31Alle these ben vnclene; he that touchith her bodies deed bi hem silf, schal be vnclene `til to euentid;Verse 32and that thing schal be defoulid, on which ony thing of her bodies deed bi hem silf fallith, as wel a vessel of tree, and a cloth, as skynnes `and heiris; and in what euer thing werk is maad, it schal be dippid in watir, and tho thingis schulen be defoulid `til to euentid, and so aftirward tho schulen be clensid.Verse 33Sotheli a vessel of erthe, in which ony thing of these fallith with ynne, schal be defoulid, and therfor it schal be brokun.Verse 34Ech mete, which ye schulen ete, schal be vnclene, if water+is sched thereon; and ech fletynge thing, which is drunkun of ech vessel, `where ynne vnclene thingis bifelden, schal be vnclene;Verse 35and what euer thing of siche deed bodies bi hem silf felde theronne, it schal be vnclene, whether furneisis, ethir vessels of thre feet, tho schulen be destried, and schulen be vnclene.Verse 36Sotheli wellis and cisternes, and al the congregacioun of watris, schal be clene. He that touchith her bodi deed bi it silf, schal be defoulid.Verse 37If it fallith on seed, it schal not defoule the seed;Verse 38sotheli if ony man schedith seed with watir, and aftirward the watir is touchid with deed bodies bi hem silf, it schal be defoulid anoon.Verse 39If a beeste is deed, which it is leueful to you to ete, he that touchith the deed bodi therof schal be vnclene `til to euentid; and he that etith therof ony thing,Verse 40ethir berith, schal waische his clothis, and schal be vnclene `til to euentid.Verse 41Al thing that crepith on erthe, schal be abhomynable, nether schal be takun in to mete.Verse 42`What euer thing goith on the brest and foure feet, and hath many feet, ethir drawun bi the erthe, ye schulen not ete, for it is abhomynable.Verse 43Nyle ye defoule youre soulis, nether touche ye ony thing of tho, lest ye ben vnclene;Verse 44for Y am youre Lord God; be ye hooli, for Y am hooli. Defoule ye not youre soulis in ech crepynge `beeste which is moued on erthe; for Y am the Lord,Verse 45that ladde you out of the lond of Egipt, that Y schulde be to you in to God; ye schulen be hooli, for Y am hooli.Verse 46This is the lawe of lyuynge beestes, and of foulis, and of ech lyuynge soule which is moued in watir, and crepith in erthe;Verse 47that ye knowe differences of clene thing and vnclene, and that ye wite what ye schulen ete, and what ye owen forsake.