Genesis 36 — W88
36Verse 1Forsothe these ben the generaciouns of Esau; he is Edom.Verse 2Esau took wyues of the douytris of Canaan, Ada, the douytir of Elom Ethey, and Oolibama, the douyter of Ana, sone of Sebeon Euey; also Bathsemath,Verse 3the douytir of Ismael, the sistir of Nabioth.Verse 4Forsothe Ada childide Elifath; Batsemath childide Rahuel; Oolibama childide Hieus,Verse 5and Hielon, and Chore. These weren the sones of Esau, that weren borun to hym in the lond of Canaan.Verse 6Sotheli Esau took hise wyues, and sones, and douytris, and ech soule of his hows, and catel, and scheep, and alle thingis whiche he `myyte haue in the lond of Canaan, and yede into anothir cuntrey, and departide fro his brother Jacob; for thei weren ful riche,Verse 7and thei miyten not dwelle to gidere, and the erthe of her pilgrymage susteynede not hem, for the multitude of flockis.Verse 8And Esau dwellide in the hil of Seir; he is Edom.Verse 9Forsothe these weren the generaciouns of Esau, fader of Edom,Verse 10in the hil of Seir, and these weren the names of hise sones. Elifath, sone of Ada, `wijf of Esau; also Rahuel sone of Bathsemath, `wijf of hym.Verse 11And the sones of Elifath weren, Theman, Emath, Sephu, and Gathan, and Ceneth, and Chore.Verse 12Forsothe Tanna was the secundarie wijf of Elifath, `sone of Esau, whiche Tanna childide to hym Amalech. These weren the sones of Ada, `wijf of Esau.Verse 13Forsothe the sones of Rahuel weren, Naath, and Zara, and Semna, and Meza. These weren the sones of Bathsemath, `wijf of Esau.Verse 14And these weren the sones of Oolibama, douyter of Ana, sone of Sebeon, `wijf of Esau, whiche sche childide to hym; Hieus, and Hielon, and Chore.Verse 15These weren the dukis of the sones of Esau; the sones of Elifath first gendrid of Esau, duk Theman, duyk Omar,Verse 16duk Sephua, duyk Ceneth, duyk Chore, duyk Dathan, duyk Amalech. These weren the sones of Eliphat, in the lond of Edom, and these weren the sones of Ada.Verse 17Also these weren the sones of Rahuel, `sone of Esau, duyk Naath, duyk Zara, duyk Senna, duyk Meza; forsothe these duykis weren of Rahuel in the lond of Edom. These weren the sones of Bathsamath, `wijf of Esau.Verse 18Forsothe these weren the sones of Oolibama, `wijf of Esau; duyk Hieus, duyk Hielon, duyk Chore; these weren duykis of Oolibama, douytir of Ana, `wijf of Esau.Verse 19These weren the sones of Esau, and thei weren duykis of hem; he is Edom.Verse 20These weren the sones of Seir Horrei, enhabiteris of the lond; Jothan, and Sobal, and Sebeon,Verse 21and Anam, and Dison, and Eser, and Disan; these duikis weren of Horrey, sone of Seir, in the lond of Edom.Verse 22Forsothe the sones of Jothan weren maad, Horrey, and Theman; sotheli the sistir of Jothan was Tanna.Verse 23And these weren the sones of Sobal; Aluan, and Maneeth, and Ebal, Sephi, and Onam.Verse 24And these weren the sones of Sebeon; Achaia, and Ana; this is Ana that foonde hoote watris in wildirnesse, whanne he kepte the assis of Sebeon, his fadir;Verse 25and he hadde a sone Disan, and a douytir Oolibama.Verse 26And these weren the sones of Disan; Amadan, and Jesban, and Jethran, and Charan.Verse 27Also these weren the sones of Heser; Baalan, and Zeuan, and Acham.Verse 28And Disan hadde sones, Hus, and Haran.Verse 29These weren the duykis of Horreis; duyk Jothan, duyk Sobal, duyk Sebeon, duyk Ana, duyk Dison, duyk Heser, duik Disan;Verse 30these weren the duykis of Horreis, that weren lordis in the lond of Seir.Verse 31Forsothe kyngis that regneden in the lond of Edom, bifore that the sones of Israel hadden a kyng, weren these;Verse 32Balach, the sone of Beor, and the name of his citee was Deneba.Verse 33Forsothe Balach diede, and Jobab, sone of Sara of Bosra, regnede for hym.Verse 34And whanne Jobab was deed, Husam of the lond of Themayns regnede for hym.Verse 35And whanne he was deed, Adad, the sone of Badadi, that smoot Madian in the lond of Moab, and the name of his citee was Abyuth, `regnede for him.Verse 36And whanne Adad was deed, Semla of Maseracha regnede for hym.Verse 37And whanne he was deed, Saul of the flood Robooth ragnede for hym.Verse 38And whanne he was deed, Balanam, the sone of Achobor, was successour in to the rewme.Verse 39And whanne this was deed, Adad regnede for hym, and the name of the citee of Adad was Phau, and the name of his wijf was clepid Meezabel, the douyter of Mathrect, douyter of Mesaab.Verse 40Therfor these weren the names of duykis of Esau, in her kynredis, and places, and names; duyk Thanna, duyk Alua,Verse 41duyk Jetech, duyk Oolibama, duyk Ela,Verse 42duyk Phinon, duyk Ceneth, duik Theman,Verse 43duyk Mabsar, duyk Madiel, duyk Iram; these weren the duykis of Edom, dwelleris in the lond of hys lordschip; he was Esau, the fadir of Ydumeis.