Exodus 30 — W88
30Verse 1Also thou schalt make an auter of the trees of Sechym, to brenne encense;Verse 2and the auter schal haue a cubit of lengthe, and another cubit of brede, that is foure cornerid, and twei cubitis in heiythe; corneris schulen come forth of the auter.Verse 3And thou schalt clothe it with clennest gold, as wel the gridil+therof, as the wallis and corneris bi cumpas therof; and thou schalt make to the auter a litil goldun coroun,Verse 4`bi cumpas, and twei goldun serclis vndur the coroun by alle sidis, that barris be put in to the serclis, and the auter be borun.Verse 5Also thou schalt make tho barris of the trees of Sechym, and thou schalt ouergilde;Verse 6and thou schalt sette the auter ayens the veil, which veil hangith bifor the ark of witnessyng bifor the propiciatorie, bi which the witnessyng is hilid, where Y schal speke to thee.Verse 7And Aaron schal brenne theronne encense smellynge swetly eerli; whanne he schal araye the lanternes, he schal brenne it;Verse 8and whanne he settith the lanternes at euentid, he schal brenne euerlastynge encense bifor the Lord, in to youre generaciouns.Verse 9Ye schulen not offre theronne encense of other makyng, nethir offryng, and slayn sacrifice, nether ye schulen offre fletynge offryngis thereonne.Verse 10And Aaron schal preie on the corneres therof onis bi the yeer, in the blood which is offrid for synne, and he schal plese theronne in youre generaciouns; it schal be the hooli of hooli thingis to the Lord.Verse 11And the Lord spak to Moises,Verse 12and seide, Whanne thou schalt take the summe of the sones of Israel, alle bi hem silf schulen yyue `bi the noumbre prijs for her soulis to the Lord, and veniaunce schal not be in hem, whanne thei ben noumbrid.Verse 13Sotheli ech that passith to the name, schal yyue this, half a sicle bi the mesure of the temple; a sicle hath twenti halpens; the myddil part of a cicle schal be offrid to the Lord.Verse 14He that is hadde in noumbre, fro twenti yeer and aboue,Verse 15schal yyue prijs; a riche man schal not adde to the myddil of cicle, and a pore man schal no thing abate.Verse 16And thou schalt bitake in to vsis of the tabernacle of witnessyng the money takun, which is gaderid of the sones of Israel, that it be the mynde of hem bifor the Lord, and he schal be merciful to `the soulis of hem.Verse 17And the Lord spak to Moises,Verse 18and seide, Also thou schalt make a greet vessil of bras with his foundement+to waische, and thou schalt sette it bitwixe the tabernacle of witnessyng and the auter `of brent sacrifices; and whanne watir is put therynne,Verse 19Aaron and hise sones schulen waische therynne her hondis and feet,Verse 20whanne thei schulen entre in to the tabernacle of witnessyng, and whanne thei schulen neiye to the auter that thei offre therynne encense to the Lord,Verse 21lest perauenture thei dien; it schal be a lawful thing euerlastinge to hym and to his seed bi successiouns.Verse 22And the Lord spak to Moises,Verse 23and seide, Take to thee swete smellynge spiceries, of the firste and chosun myrre, fyue hundrid siclis; and of canel the half, that is, twei hundrid and fifti siclis;Verse 24in lijk maner of calamy+twei hundrid and fifti siclis; also of casia fyue hundrid siclis, in the weiyte of seyntuarie; oile of olyue trees, the mesure hyn+;Verse 25and thou schalt make the hooly oile of anoyntyng, an oynement maad bi the werk of a `makere of oynement.Verse 26And thou schal anoynte therof the tabernacle of witnessyng, and the ark of testament, and the boord with hise vessels,Verse 27the candilstike, and the purtenaunces therof, the auteris of encense,Verse 28and of brent sacrifice, and al the purtenaunce, that perteyneth to the ournyng of tho.Verse 29And thou schalt halewe alle thingis, and tho schulen be the hooli of holi thingis; he that schal touche tho, schal be halewid.Verse 30Thou schalt anoynte Aaron, and hise sones, and thou schalt halewe hem, that thei be set in presthod to me.Verse 31And thou schalt seie to the sones of Israel, This oile of anoyntyng schal be hooli to me in to youre generaciouns.Verse 32The fleisch of man schal not be anoyntid therof, and bi the makyng therof ye schulen not make another, for it is halewid, and it schal be hooli to you.Verse 33What euer man makith sich oile, and yyueth therof to an alien, he schal be `destried fro his puple.Verse 34Forsothe the Lord seide to Moises, Take to thee swete smellynge spyceries, stacten,+and onyca,+galban of good odour, and pureste encense, alle schulen be of euene weiyte.Verse 35And thou schal make encence, maad by werk of oynement makere, meddlid diligentli, and pure, and moost worthi of halewyng.Verse 36And whanne thou hast powned alle thingis in to smalleste poudre, thou schalt putte therof bifor the tabernacle of witnessyng, in which place Y schal appere to thee; encense schal be to you the hooli of hooli thingis.Verse 37Ye schulen not make siche a makyng in to youre vsis, for it is hooli to the Lord.Verse 38What euer man makith a lijk thing, that he vse the odour therof, he schal perische fro his puple.